Merve Taskin, umunyamideli w’imyaka 27 wo muri Turukiya, yafungiwe iwe nyuma yo gutangaza ko azamara ijoro rya Saint-Valentin n’umukunzi umwe uzishyura ibihumbi 9 by’amapawundi (asaga miliyoni 14 Frw).
Taskin, uzwi cyane ku mbuga nkoranyambaga zicuruza amashusho y’urukozasoni, yari yashyize ubu butumwa kuri X (Twitter), aho akurikirwa n’abarenga 124,000. Iyi nkuru yahise ikwirakwira cyane, bituma inzego z’umutekano zitangira gukurikirana iby’iki gikorwa.
Ku wa 14 Gashyantare, polisi yamufashe imushinja gutanga serivisi z’ibiterasoni ku giciro cyo hejuru. Bukeye bwaho, ku wa 15 Gashyantare, Urukiko rwa Caglayan rwategetse ko afungirwa iwe mu gihe iperereza rikomeje, rigamije gusuzuma telefoni ye n’imbuga nkoranyambaga akoresha.
Nyuma yo gufatwa, Taskin yanditse ubutumwa agaragaza uko yamaze ijoro muri kasho ari kumwe n’abakora uburaya, avuga ko ari ibihe bidasanzwe.
Si ubwa mbere ahuye n’ibibazo by’amategeko. Mu 2021, yakatiwe amezi atanu y’igifungo nyuma yo gusohora amafoto y’urukozasoni yafatiye mu mujyi wa Amsterdam.
