Iteke habuze gato ngo ryivugane umugabo wari waryitiranyije

 

 

Habinshuti Euratse Uyu mugabo w’imyaka 61 wo mu Kagari ka Rurangazi, Umudugudu wa Kigarama, yari mu murima ahinga ku wa 28 Werurwe 2025, abona grenade agira ngo ni iteke, aniyemeza kuyitahana mu rugo.

 

Uyu mugabo ari mu nzira ataha, yahuye n’umugabo w’inkeragutabara amubwira ko icyo atahanye ari igisasu cyo mu bwoko bwa ‘grenade’, amusaba kukizibukira.

 

Umuyobozi w’Akarere ka Nyanza, Ntazinda Erasme yatangaje ko iyo grenade bakiyibona, inzego z’umutekano zahise zibimenyeshwa.

 

Ati “Yageze mu nzira, ahura n’umuntu w’inkeragutabara wahoze mu gisirikare, amubwira ko ari grenade, ahita ayishyira hasi, maze bahita batumenyesha, duhamagara abasirikare bajya kuyitegura.”

 

Meya Ntazinda yavuze ko iyo grenade bigaragara ko yari ishaje cyane, abihuza n’uko agace ka Nyagisozi kahoze mu gice cya ‘Zone Turquoise’ yari muri Perefegitura ya Gikongoro.

 

Ubuyobozi burashishikariza abaturage gukorana n’ubuyozi bagatangira amakuru ku gihe,mu gihe hari ikintu kidasanzwe kigaragaye aho batuye.

0 0 votes
Article Rating
Subscribe
Notify of
guest
0 Comments
Oldest
Newest Most Voted
Inline Feedbacks
View all comments
      
0
Would love your thoughts, please comment.x
()
x
Scroll to Top